Sôbri - LUMU

Définison

Lumu = Lumo

Féra régular na Guiné-Bissau.
I tá parci um importanti centru cumercial, ná tudur todo térritóriu naciunal, desdi cidadis garandis, a centrus urbanus secundárius até na zonas di interior.
Cáu nundé ki djintis tá djunta pá bindi cú diverti cú ntru. Pá além di si papel icunómicu, i tem també um importanti papel sucial na relason di cónfiança, di parentescu i di amizadi ki tá criadu lá, i tá djuda aumenta práticas di sulidariedadi fundamental pá a comunidadis

Cú é mesmu papel sucial ki LUMU pensadu na si criason.
Cáu di partilha nundé ki só PAZ kibi, conhecimentu, cultura i sulidariedadi pá tudu nós. Djunta nó força comu comunidadi pá cónsegui um bom participason na sucieadi di aculhimentu na mesmu manéra ki nó misti léba ké ki tem di mindjor pá nó África. .

Éss i únicu caminhu pá PAZ.
Obi, Partilha, Xprimi, Aprendi, Rispitá
I cá dinhéru ki nó bim busca.
Nó misti um cusa son:
Prepara futuru di nó suciedadi.
Assim lucru i cá só pá nós.
Nó na djuntal.

Li na LUMU anós tudu nó cónta.

I conta nó xperiência di vida

Anós tudu nó tá sinado algum cusa ki tá cumpanhanu restu di nó vida.
Stratu sucial cá tá existi, ora ki igualdadi i óbjetivu.
Ricu, pobri, nóbu, bedju, hómi, mindjer, ké ki kila importa?
Nó gosta nán di diferença, di tudu cóldadi di diferensas étnicas.
Nó gosta di pretu, di brancu e di Crioulo.
Nó cá téné bandéra, nó cá téné côr, nim partidu pulíticu.
Nó téné nam paixão pá nó suciedadis.

Nó Inspirason conta

I stá ná nó massa partilha di stórias, di ideias, di caminhus di vida, di disafius superadus i óbjetivus alcançadus.
Nó misti tissi djintis ku pudi inspiránu, mindjoris na cada campu de atuason ná sé cumunidadis, pá é bim tissinu sé vison di mundu, di cuma kú nó pudi mindjoria tudu dia.
Él cú manda LUMU na sirbi di advógadu, na fassi tarbadju cú parcerus i na órganiza palestras i workshops pá tudu kim ki pudi mas, i cá misti sinta péra ora ki futuru mindjor na cai na si ragass.
Tudu muvimentu précisa di inspirason, cunhecimentu i partilha.

Nó Ligason tá Conta

Mesmu camisola ki nó tá bisti
Camisola di diversidadi, di aceitason, di liberdadi i di union.
Nó misti cria pontis pá liga cada vez mas cidadons.
Cada kim mas atentus a ki ki dissil, mas pertu di si cumpanher i mas ligadus i atentus à suciedadi.

Arte conta

Tudu alguim téné algum cusa pá sinanu má també, anós tudu, nó téné algum cusa pá sina nó cumpanher, ki na léba pá si vida intéru.
Stratus suciais cá existi, ora ki igualdadi i objetivu
Ké ki importa sédu hómi, mindjer, ricu, póbri, nóbu, bedju?
Nó Gosta di diferença, di nó diferença.
Nó gósta di pretu, di brancu, di crioulo, nó gosta di TUDU DJINTIS.
Nó cá téné bandéra, nó cá téné côr, nim partidu pulíticu.
Nó ama nan nó sociedadis.

Vontadi di sibi más, kila ki tá Conta

Nó misti más iducason, furmason i bons ixémplus, pá nó mininus pudi bim sédu diáspura cu mindjor futuru
Nó misti prumuvi más leitura, más igualdadi di acessu, pá nó sunhu tam sédu realidadi.

Tradison tá Conta

I fundamental cónsérva kil ki i di nós
Nó stória fassi parti di nós enquantu póvu
Él kú tá uninu
Li na LUMU nó gósta di pureza di tradison.
I nó gósta també di tradison cú toki di irreverência.
Pabia pensa diferenti i importanti, nó cá tem ki pensa cuma nó tradison i um cusa di antingamenti
nó garandis Ao cóntráriu.
Espíritu criativu di mundu lusófunu téné spaçu pá nó djubi ké ki di cada um son, ri invénta tradiciunal i cria nóbu,
Cú um toki di mudernidadi també.
Pá téné tradison cú más côr i inda más gustu

Futuru tem kú conta

Nó misti dá más cóndison pá nó pudi ndianta até sucessu i randja nobú caminhu pá Afrodescedência i, kila tem cú sédu cú más acessu a iducason, a nô cultura, a nô arti i a manga di djintis brilhantis ku pudi tisinu cunhecimentu Cria sinergia pá diáspura más integradu i djuda nó érmons pá é téné imigrason diritu.
Dé manéra, si nó integra, nó na pudi téné confiança na futuru ki nó pensa, nó prepara i anós propi más resilientis

FELIZ

Nó pensa cuma um suciedadi iquilibradu precisa di sólidez déss pilaris.
Él cú manda, nó djubi diritu i nó djunta djintis ku téné mésmu objetivu:
Ajudar os Afrodescendentes a serem maiores e melhores em todas estas áreas. Djuda afrodescendentes i tudu kim ku misti aposta na si kircimentu na tudu éss árias
Nó cumsa cú djunta djintis incrível di Austrália, África, Brasil, EUA e Reino Unido pá djuntus nó pudi sina n’utru más també pá nó inspira tudu djintis kú ké ki di mindjor tá fassidu ná éss mundu intéru.
Pá um suciedadi ku cá tá diskici si passadu má i cudji presenti pá vivi i prepara si futuru.
Bim cunsi membrus fundadoris di LUMU