Membrus di LUMU bim pá pensa, estuda i contribui pá um mindjor conhecimentu di nó di realidade enquantu diáspura afro discendentis.
Nó contribuison i cú cunhecimentu, pá um esforço na resoluson di prublemas suciais, pá anós tudu cú futurus gerasons pudi bénéficia.
Pá nó pudi tchiga lá, membrus diLUMU na djuda cú si cunhecimentu, na tarbadjus di investigason i utrus iniciativas ki, dipus di é cumpri cú mais ilévadu padron di rigor i qualidadi é pudi djuda na um mindjor compreenson di rialidadi, na aprisentason di sóluson cóncretu, recumendason pá atóris suciais, aprofunda dibati em tornu di grandis prublemas i contribui pá justiça pá anós tudu.
Tarbadju di membrus di LUMU na sedu nortiada pá princípius di dignidade da pessoa humana, di sulidariedadi sucial i, pá valóris di dimócracia, liberdadi, igualdadi di óportunidadis, méritu e di pluralismu.
Tudu ké jú membrus di LUMU na fassi i na sedu cú absóluta indipendência relativamenti a tudu puder públicu i privadu, idiulugia, currentis di ópinion, tendência filusófica, credu ou confisson religiósa.
É membrus i garanti di cumprimentu di é nórmas, numiadamenti di si indipendência.
Membrus di LUMU na fassi pá dá suciedade infurmason claru, óbjectivu i rigurosu sobri résultadus dí si atividadis, é na garanti máxima transparência sobri é organison, si finalidadi, si fontis di financiamentu i si actividadis.
Membrus di LUMU na organiza dibatis públicus alargadus i plural pá discuti si récumendasons pabia éss i tão importanti suma realison di studus i tarbadjus di investigason.
Pá pudi cóntinua sé tarbadju, membrus di LUMU na fassi tudu pá é sedu fiel a sé compromissu di respónsabilidadi social, suma i stá na si misson défénidu pá LUMU.
Membrus di LUMU otcha issencial prumóvi um invólvimentu mas ativu di suciedadi civil na refleson i na resóluson di prublémas, é cú manda tudu é na fassi pá dá cidadons um grandi conhecimentu di sé iniciativas i prujétus